إمام عاشور يكشف كواليس فيديو "الباب الحديد"

قال إمام عاشور، لاعب النادي الأهلي، إن ما حدث بالأمس في الاستاد وظهر في فيديو "الباب الحديد" يحتاج لتوضيح، حتى يعرف الجميع الحقيقة.

بنتي فوق وأنا عايز أجيبها

وقال عاشور في تصريحات تلفزيونية عبر برنامج الكورة مع فايق: "أنا كنت موجود في الاستاد، وأهلي كانوا فوق في المقصورة، وبنتي كانت معاهم وقت التتويج، كان كل اللي في دماغي إني أجيب بنتي، روحت للناس عند البوابة، وكلمتهم بكل احترام، قولتلهم “يا جماعة بعد إذنكم، أنا عاوز بنتي، مش هنزل لا والدي، ولا حمايا، ولا مراتي، قالولي مش هينفع”.

لاعب نزل أولاده.. فطلبت زيّه

وأضاف: "بعد شوية، شوفت حد من اللاعيبة نزل ولاده، وقالولي، “مش هيكونوا معاه وقت التتويج، فتحولي البوابة، طلعت جبت بنتي ونزلت”.

قفلو البوابة وقالولي "مش هتطلع"

وزاد: “وأنا نازل، لقيت البوابة اتقفلت وبيتقالّي، “مش هتطلع”، وكان الكابتن الشناوي موجود في نفس اللحظة”.

وأتم حديثه قائلا: "المفاجأة إن الكاميرا جات عليّا أنا بالرغم من وجود الشناوي، وشوبير اللي طلع يجيب ولاد إخواته، حتى مصطفى شوبير "أوفه" قالهم، “خلاص يا جماعة، صورتوا”.

الأهلي يتوج بطلاً لدوري نايل 

وتوج المارد الأحمر ببطولة دوري نايل، أول أمس بعد فوزه العريض على فاركو بسداسية نظيفة.