أسما شريف منير تكشف تعرضها لـ"إيذاء نفسي": "أبحث عن الحب والتقدير"

كشفت الفنانة الإعلامية أسما شريف منير، تعرضها لإيذاء نفسي بسبب دخولها في علاقة عاطفية خلال الفترة الماضية.

وكتبت أسما شريف منير، عبر حسابها على منصة "إنستجرام"، منشورًا قاللت فيه: “عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي”.

تضحيات من طرف واحد

وأضافت: “دايمًا حاسة إن فيه حاجة ناقصة.. فيه حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين”.

التنازل عن أشياء مهمة

‎وتابعت أسما: “دايمًا بقول لنفسي مش لازم كل حاجة تكون مثالية، المهم إني مرتاحة حتى لو موجوعة، ما هو دا الحب اللي أعرفه، مش الحب عذاب برضو؟ بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي”.

‎وواصلت: “لحد ما في يوم، قررت أقعد مع نفسي وأسأل، هل الراحة كفاية؟ هل المفروض أقبل بعلاقة مفيهاش توازن والإحساس اللي أنا أستحقه بس عشان دا اللي أعرفه؟”.

عدم الاستمرار في علاقة غير مريحة

‎وأشارت إلى أنها قررت عدم الاستمرار في علاقة غير مريحة لمجرد أنها تشعر بالخوف من الوحدة، وأنها تستحق علاقة بها حب حقيقي، ودعم، وتفاهم.

حب وتقدير

‎واختتمت بأن الدرس التي تعلمته هو عدم القبول بالعلاقات الوسط، قائله: “متقبلش علاقة متوسطة بس عشان الخوف، إحنا نستحق إننا نعيش علاقة مليانة حب وتقدير بجد”.