"مينفعش أقبل الحرام".. "محمود" طفل نوبي أمين يروج للسياحة بأسوان

أصبح الطفل محمود سيد بشير حديث الشارع في أسوان، بعد أن أعاد بالأمس 15 دولارا لسائحة أرجنتينية باقي مبلغ لها من شراء منتجات نوبية بمرسى معبد فيلة.

ورفض الطفل النوبي أي هدية منها نظير ما فعل وأرسلت السائحة الأرجنتينية برسالة شكر ودعت صديقاتها وأهلها لزيارة مصر وأسوان لمقابلة الطفل محمود وشكره على أمانته. 

والتقت "تليجراف مصر" الطفل محمود سيد بشير ، التلميذ بالصف الخامس الابتدائي بمدرسة عثمان بن عفان في جزيرة هيسا بأسوان.  

لا أقبل الحرام 

وقال محمود “أنا كنت بدور على السائحة بعد ما اكتشفت المبلغ أكتر من حقى وركبت وراها المركب للمعبد علشان ارجع لها الباقي، هى نسيت وأنا رجعت الباقى علشان مينفعش أخده علشان ده حرام، أهلي ربوني على الحلال ومينفعش آخد حاجة مش من حقي".

وأضاف محمود: "فخور بنفسي إني مصري والمصري طول عمره أمين، أنا بشتغل علشان أساعد والدتى وأبيع المشغولات اليدوية النوبية اللي بتصنعها والدتي، واللي علمتنى ماخدش حاجة مش من حقى وأراعي ربنا كويس في كل حاجة.

وتابع الطفل النوبي حديثه لـ “تليجراف مصر”، رسالتي لكل زوار مصر وأسوان مصر بلد الأمن والأمان والأمانة، أنا نفسي في حاجات كتير أولها مركب ضغير اشتغل عليه وأوصل بيه لبيتنا وأساعد أسرتي على المعيشة، كمان نفسي أسلم على رئيس الجمهورية الرئيس عبدالفتاح السيسي". 

ووجه رسالة للمصريين قائلًا: “بقول لكل المصرين حافظوا على السياحة لأن هي أكل عيشنا، أدعو كل الناس تزور بلدي الحبيبة مصر وأسوان وقريتي جزيرة هيسا إحنا أهل كرم وبنضايف الناس كلها”. 

واختتم حواره: “بشكر بشكل خاص تليجراف مصر على الاهتمام وإني أكون ضيف عندهم على الصفحة”.