رد نارى على المخرج الكبير.. محسن سرحان: مين يسرى نصر الله؟

رد محسن سرحان، المتحدث الإعلامي لأسرة الفنان الراحل شكري سرحان على المخرج يسري نصر الله الذي شكك فى موهبة الفنان الراحل شكري سرحان قائلاً: “مين يسري نصر الله؟”.

من يسري نصر الله مقارنة بالعمالقة؟

وقال محسن سرحان لـ “تليجراف مصر”: “أنا مش هتكلم، التاريخ هو اللي هيتكلم، مين يسري نصر الله بالمقارنة مع يوسف شاهين اللي اشتغل مع شكري سرحان.. مين يسري نصر الله بالمقارنة مع كمال الشيخ أو صلاح أبو سيف.. مين يسري نصر الله أمام كل المخرجين الأجانب اللي جم هنا وعملوا أفلام مع شكري سرحان زي ”قصة الحضارة" و"ابن كليوباترا".. مين قصاد ده.. شهرة مين اللي أعلى".

تاريخ شكري سرحان  

وأضاف: “شكري سرحان خريج أول دفعة من المعهد العالى للفنون المسرحية، واجتاز اختبار القبول من أساتذة أسسوا لعلم وفن الأداء التمثيلي، ووقف أمام زكي طليمات وجورج أبيض ويوسف وهبى".

وتابع متعجبًا: ”يعني هما دول مكنوش عارفين أن شكري سرحان معندهوش موهبة فخدوه واتنجم، ويوسف شاهين اللي هو مخرج عالمي أقتنع بيه وهو عنده 20 سنة وأداله بطولة ابن النيل.. وابن النيل ده من أحسن 100 فيلم في تاريخ السينما المصرية، شكري سرحان واخد أكتر من 17 فيلم بطولة مطلقة في تاريخ السينما المصرية، واتكرم من مهرجان برلين ومهرجان كان، وخد 10 جوايز كأحسن ممثل محصلتش في حياة أي ممثل لحد الآن وولا حتى عادل أمام مع احترامي ليه.. شكري سرحان كان سابق بمراحل.. مين يقيم مين؟".

فيلم لا تطفئ الشمس

واستكمل: “يكفي إن عمر الشريف لما حب ينتج فيلم “لا تطفئ الشمس” جاب بطله شكري سرحان.. يعني اللي قيم شكري سرحان قبل كده قامات محدش يقدر يتكلم عليها.. "ده عمر الشريف نفسه مرضاش يمثل الفيلم وجاب شكري سرحان علشان يضمن إيرادات”. 

شكوى ضد عمر متولي وأحمد فتحي

وأردف: “إحنا مش هنقعد نرد على كل حد بقى، اللي فتح الباب هو ده اللي مشكلتنا معاه وهنعمل ضده شكوى في النقابة، لكن التوابع دي ملناش دعوة بيها”.

يسري نصر الله عن شكري سرحان

وقال يسري نصر الله خلال لقائه مع الإعلامية ياسمين عز في برنامجها “كلام الناس” المذاع على قناة إم بي سي مصر: “شكري سرحان لما صوره كمال الشيخ، أو لما صوره يوسف شاهين صوروه كأيقونة، لكن حقيقة تعبيراته محدودة”.

وأضاف نصر الله: “أنا حسيت إن شكري سرحان ممثل هايل في فيلم ”عودة الابن الضال"، قبل كده عمري ما اقتنعت به كممثل، وكان محرجًا بانفعالاته في الأفلام الثانية".