الفائز في برنامج مدفع رمضان: من الفرحة نمنا من غير عشا (خاص)

أعرب تامر جمال محمد، الفائز في برنامج مدفع رمضان للفنان محمد رمضان، عن سعادته لاختياره ضمن الفائزين في البرنامج، المقرر عرضه ضمن موسم رمضان 2025.

يعد برنامج مدفع رمضان من تقديم محمد رمضان، ويقدم الكثير من الجوائز خلال 30 حلقة للجمهور، ويتم عرض حلقاته لال أيام رمضان 2025، ويبحث الجمهور عن الفائز في برنامج مدفع رمضان.

الفائز في برنامج مدفع رمضان محمد رمضان

وتواصل “تليجراف مصر” مع الفائز في برنامج مدفع رمضان الذي يدعى تامر جمال محمد ويبلغ من العمر 42 عاما ويعمل سائق (توكتوك)، ولديه أسرة مكونة من زوجة وابنتان ويرغب في زواجهما لكن لم تساعده ظروف الحياة على إعالتهما.

وقال تامر جمال محمد، في تصريحات لـ “تليجراف مصر”:  “الحمد لله ربنا عالم بيا، أنا عندي 42 سنة حصل كل خير كنت ماشي في أمان الله في شغلي راكب توكتوك، ولقيت عربية عند أبو الريش في السيدة زينب وفي صندوق مكتوب عليه حقق حلمك فقمت كاتب عايز أجهز بنت واحدة حتى لأن عندي السكر ومريض قلب وتعبان، وفي حد تبع محمد رمضان إداني ورقة حقق حلمك عند العربية اللي هو شغال فيها، وأنا في الأساس سعيت علشان ربنا يراضيني وسألت في إيه قالوا محمد رمضان عامل حقق حلمك وقلت له عايز أجهز بنت من العيال”.

وتابع الفائز في برنامج مدفع رمضان: "لما قابلته كان عادي بالنسبة ليا إيه يعني محمد رمضان، أنا بقابل ممثلين كتير بحكم شغلي بيخليني اتكلم مع الناس دي زي أحمد السقا وبتكلم مع الناس دي عادي وكلنا إخوات، وأنا لسة مش إداني حاجة، في حد كلمنا قال أنا مدير أعمال محمد رمضان وبكرة نجيلك إن شاء الله البيت، ومن الفرحة اللي إحنا فيها نمنا من غير عشا".

جوائز برنامج مدفع رمضان

وتابع تامر الفائز برنامج مدفع رمضان: “هيقعد له في ميزان حسناته اللي هو بيعمله دا، وكل اللي بيعمل حاجه صالحة للناس اللي مش مقتدرة بتقعد له لأن هو بيتاجر مع ربنا وبياخد أجر، أحب أقوله إنت راجل ربنا يغنيك تاني وتالت وترزق بكل حاجة في الدنيا لو ساعدت المسكين التعبان، وربنا يبارك لك يا فنان في صحتك وفي مروان ابنك، وبدعيله في صلاتي وفي المسجد”.