علي جمعة: الجن يعرف ماضي الإنسان لكن لا يعلم المستقبل

أجاب مفتي الجمهورية الأسبق، علي جمعة، على سؤال أحد الطلاب:"هو ازاي قارئ الفنجان والأبراج بيعرف اللي بحصل في المستقبل".

وقال علي جمعة خلال ظهوره ببرنامج “نور الدين والدنيا” المذاع على القناة الأولى المصرية، قائلًا :"الملاحظ أن قارئ الفنجان بيقول حاجات عامة موجودة عند كل الناس، يعني يقول مثلا قدامك "طريق سفر" يعني إيه قدامك طريق هو طريق يعني كل الناس عندها طريق سفر، على فكرة انت شايل الهم طيب، يتكلموا كلمات عامة بحيث إن إحنا يعني نعتبر الحكاية يعني كأنها شيء".

 قراءة الفنجان

وأشار علي جمعة إلى أن موضوع قراءة  الفنجان شيء جديد علينا ولم يكن موجودًا عند الأقدمين، مضيفًا: "قراءة الفنجان يعتبر استهزاء.. يعني لما أقول لك حاجة تفتكر إنها لمست عندك شيء معين فتيحي إيه منهار أمامها، الفنجان، هو بيضحك عليك ويقول كلام عام يصلح لكل حاجة".

الجن بين الماضي والحاضر

وتابع جمعة: أن قراءة التاروت من الممكن أن يكون فيه درب من الجن، بالإضافة إلى أشياء أخرى مثل النجوم والأبراج، وأضاف:"الأبراج دي فيها برضه تجربة، مواليد الشهر ده عندما يكون في الفلك بيبقى لهم خصائص معينة، الخصائص دي بالتجربة وجدنا غالبية مش كلية، وإيه الفرق بين الأغلبية والكلية؟ كل واحد له معدة، كل واحد له رئة، لكن لما أجي أقول لك انت رومانسي شوية، أو أنت جاد في عملك، أو أنت مثلا يعني غضوب تغضب بسرعة، أو انت تطنش تمام دي، دي صفات عامة.

وأكمل: هناك مخلوق اسمه الجن، والجن دا بيعرف الحاجات الماضية، لكن ما يعرفش يعرف بكرة فيه ايه، وممكن الجن يتدخل في هذا ويوحي إلى قرينه من الإنس بمثل هذه الأشياء، بس دا مش في الفنجان.