أحد الفائزين مع محمد رمضان يكشف حقيقة جوائز "مدفع رمضان" (خاص)

عبّر أيمن النجار، الفائز بجائزة الحلقة الرابعة من برنامج مدفع رمضان 2025، التي تم عرضها أمس على شاشة قناة dmc، عن سعادته الغامرة بالفوز بالجائزة.

وقال أيمن النجار في تصريحات لـ"تليجراف مصر": "أنا من البحيرة والموضوع كان بالصدفة، كنت في القاهرة وقتها بحكم شغلي وكنت واقف في الشارع".

برنامج مدفع رمضان 2025 حقيقي

وتابع أيمن النجار الفائز ببرنامج مدفع رمضان 2025: "البرنامج حقيقي مش مزيف وأخدت الجائزة فعلًا، ومحدش طلبها مني تاني، وفرحت بيها جدًا".

وتابع: "أنا مكنتش متابع برنامج مدفع رمضان، وتصوير الحلقة كان من 10 أيام تقريبًا، وكنت مفكر أنها جائزة رمزية 10 آلاف، لكن طلعت 100 ألف جنيه، وسبحان الله يومها كنت مسافر لشغلي وكنت قبلها تعبان جامد واضطررت أسافر وزوجتي قالت لي إنها لازم تيجي معايا ومينفعش تسيبني كدا وكنت رافض في الأول، وكنا بنتمشى في وسط البلد وكنا مروحين ودا القدر والموضوع كله كان غريبًا".

رسالة لبرنامج مدفع رمضان

ووجه الفائز ببرنامج مدفع رمضان 2025 رسالة للفنان محمد رمضان قائلًا: “كل سنة وأنت طيب ورمضان سعيد عليك والبرنامج مميز خلال رمضان 2025، وهيكون ناجح طول الوقت”.

برنامج مدفع رمضان محمد رمضان

كما وجه رسالة خاصة لزوجته قائلا: "زوجتي هي سند ووش خير عليا طول الوقت من ساعة ما عرفتها وربنا يخليها ليا، وهي داعم كبير ليا في مواقف كتيرة".