منى فاروق في الذكرى التاسعة لوفاة والدها: محتاجة رأيك في حاجات

أحيت الفنانة منى فاروق الذكرى الثانوية التاسعة لوفاة والدها، معبرة عن حزنها الشديد لفقدانه.

ونشرت منى فاروق صورة والدها عبر حسابها الرسمي على منصة “إنستجرام” من خلال خاصية “ستوري”، وكتبت له: “حبيبي يا بابا النهاردة الثانوية التاسعة.. الدنيا وحشة من غيرك والأيام من غيرك ناقصة.. أنت كنت بتعمل فرحة من أي مناسبة وتقول دايمًا نحن في رحلة”.

الدهر والأمان

وأضافت فاروق: “أنت كنت بتصنع السعادة لكل اللي حواليك وبتسمع الكل وبتحل المشاكل.. وحشتني جدا.. محتاجة رأيك في حاجات.. أنت الدهر والأمان”.

واختتمت منى فاروق: “ربنا يقدرني وأقدر أخليك مبسوط وأنت في حتة أحسن وأحقق لك كل اللي بتتمناه لي يا حبيبي”.

حقيقة الوفاة

وفي وقت سابق، كتبت منى فاروق، عبر حسابها على إنستجرام: "الناس طلعت إن أبويا مات غضبان عليا، وده محصلش أبويا مات راضي عني وبيحبني".

وأضافت منى: "أن والدها لم يعترض على دخولها مجال الفن ولم توجد مشاكل بينهما، موضحة: "أنا مسبتهوش، وكانت روحي فيه، وهو اتوفى في 2016 قبل الأزمة بسنين، والأزمة كانت في 2019".

وتابعت: "لما حصلي أزمة زي أي بني آدم في الدنيا ممكن يتعرض لأزمة، الناس كلها مسمتش عليا، واللي معاه سكينة بيدبحك، وأي حد بيدوس عليا لأن أنا معنديش ضهر، بس ربنا ضهري".

ابتلاء من ربنا

واختتمت: “أنا كنت في ابتلاء كبير، واللي ربنا بيحبه بيبتليه، وقلت إن كان فيه جواز في الفترة دي، بس أنا تعرضت لظلم كبير وجلد، وناس جرحت فيا وفي أهلي، والناس حكموا عليا بالإعدام وأنا على وش الدنيا، وحسبي الله ونعم الوكيل في كل إنسان ظلمني”.