كيف يصل دعم لايفات "تيك توك" للبلوجرز؟.. سوزي الأردنية توضح

تنشر “تليجراف مصر” تفاصيل جديدة من واقع التحقيقات الجارية مع البلوجر سوزي الأردنية، بشأن اتهامها بغسيل الأموال، ونشر مقاطع فيديو خارجة عبر حسابها الشخصي على “تيك توك”.

اعترفات البلوجر سوزي الأردنية

سوزي الأردني قالت أمام جهات التحقيق: “هو الشخص لما بيفتح حساب على التيك توك ممكن ينزل فيديوهات ليه وممكن يفتح لايفات، والفيديوهات اللي ممكن ينزلها دي هو بيصورها وينزلها على صفحته، أما اللايفات فهي نوعين النوع الأول إنه ممكن يفتح لايف لوحده يتكلم فيه مع الناس والنوع الثاني حاجة اسمها جولات بيدخل فيها اثنين أو أربعة عشان يتقسموا فريقين وبيلعبوا أي لعبة مع بعض وبعد كده بيخش ناس إحنا بنسميهم داعمين وبيبعتوا هدايا على اللايف والهدايا دي لما يتوصل لنا بتبقي عبارة عن فلوس بتتحط في حسابنا على التيك توك.

س: وضحي لنا من هم الداعمون؟

ج: المتابعين بتوعنا بيخشوا اللايف ويبعتوا لنا الهدايا وتحديدًا  لما بنخش جولات وتحديدًا للشخص اللي في الجولة، وبنهزر مع بعض أو ساعات بنحكي مواقف محرجة والداعمين بيدعمونا لما يضحكوا ويبدأوا يبعتوا لنا هدايا. والداعمين دول ساعات بيبقوا من مصر أو من دول خارجية، ومش لازم يبقوا عاملين لنا إضافة.

س: وما هي الهدايا التي ترسل إليكم ونوعها وما هي قيمتها؟

ج: هي عبارة عن قلوب أو أسود أو ورد أو حيتان أو كلمة تيك توك. القلوب بـ 100 نقطة، والأسد بـ 30000 نقطة والوردة أقل من نقطة والحيتان بـ2700 نقطة، وعايزة أقول أن الهدايا دي مبتجيش بثمنها كله عشان شركة تيك توك بتاخد 70% من الهدايا وبيجي لي 30 % بينزلوا على رصيدي في تيك توك لغاية ما أسحبها وأحولها للمحفظة الخاصة بيا وبتكون مربوطة بحساب تيك توك بتاعي وكنت في الأول بتعامل مع حد في المعادي تبع “تيك توك” عشان أسحب الفلوس من علي الأكونت بتاعي وبعد فترة اكتشفت أنهم بيسرقوني فرحت لزوج صاحبتي وهو اللي ماسك الأكونت بتاعي على "فيسبوك".