مخرج افتتاح المتحف المصري الكبير: "اشتغلنا 9 أشهر للتحضير في 8 دول"

مازن المتجول ومحمد السعدي

زياد محمد

A . .A

تحدث أحد المخرجين الثلاثة لحفل افتتاح المتحف المصري الكبير، مازن المتجول، عن كواليس تصوير الحفل مع زميله المخرج أحمد المرسي، وأبرز الصعوبات التي واجهتهم في التحضيرات.

ولفت مازن المتجول في بيان صحفي، إلى أنه كان شارك في جزء صغير من هذا الحدث، مضيفا أنه كان ضمن فريق عمل كبير جدا أكثر من الألف شخص، واستغرقت التحضيرات أكثر من 9 أشهر.

"سفر لكل بلد"

وتابع: "تجربتي في مشروع مثل المتحف المصري الكبير فيها ضغط كبير، لأن الجمهور عنده توقعات كبيرة من وقت احتفال موكب المومياوات، وكان من أصعب الأشياء التصوير خارج مصر صورنا تقريبا في 8 دول، صورنا بلد في كل قارة".

وأضاف مازن المتجول: “الموضوع كان صعب عشان بنسافر كل بلد بندربهم على مقطوعة مصرية عاملها هشام نزية ولازم يحفظوا الموسيقى، ووزارة الخارجية ساعدتنا جدا وقفلنا الكبرى في فرنسا وباريس لمدة 12 ساعة عشان نعمل عليه الأوركسترا، وصورنا في اليابان في معبد متصورش فيه نهائيا قبل كده بدعم من وزارة الخارجية المصرية والحكومة اليابانية”.

أحمد المرسي

وتحدث مازن المتجول عن التعاون بينه وبين أحمد المرسي، موضحا: "اشتغلنا مع بعض قبل كده في مواكب المومياوات ونجحنا مع بعض فيه ودي تاني مرة نتعاون مع بعض وكنا مقسمين الشغل ما بينا بشكل منطقي وكنا بنتناقش في كل حاجه عشان الموضوع يكون مظبوط".

وعن تعاونه هو والمرسي مع المنتج محمد السعدي، أوضح المتجول: الإشراف العام كان مع المنتج محمد السعدي وشركة المتحدة وكان في شركات إنتاج كتير جدا، وكان في مخرجين ومديرين تصوير كتير جدا عشان كنا عايزين نغطي كل الآثار التاريخية في مصر على مدار تاريخ مصر في كل العصور، كنا بنصور مصر من أول جنوبها تحت لغاية إسكندرية والبحر المتوسط.

ياسمينا العبد: كنت "متدلعة جدًا" في حفل افتتاح المتحف المصري الكبير

صوت يمثل عظمة مصر، التينور رجاء الدين يكشف سر فينال حفل المتحف