"كفاية تجاوزات"، محمد علي رزق يرد على تمني متابع الموت لمحمد رمضان

عبر الفنان محمد علي رزق عن استيائه الشديد من مستخدمي مواقع التواصل الاجتماعي الذين يتجاوزون حدودهم مع الفنانين ويتمنون لهم المرض، وجاء ذلك على خلفية تمنى متابع للفنان محمد رمضان أن يتعرض لحادث سير مثل الفنان أحمد سعد.

ماذا قال محمد علي رزق عن مستخدمي السوشيال ميديا؟

وكتب محمد علي رزق عبر حسابه الرسمي على منصة “فيسبوك”: “ماهو أكيد فيه حل للتجاوزات وقلة الأدب والشماتة اللي في المرض والموت اللي على مواقع التواصل دي”.

وتابع: “لازم يبقى فيه قانون دولي بحيث إن إللي يتجاوز لو في أي بلد يتقبض عليه، بجد الموضوع بقى صعب أوي”.

واختتم: “من حقك ترفض إللي أنت عاوزه، سواء بقى في شغل حد أو رأي شخصية عامة في حدث زي مانت عاوز، لكن مش من حقك تشتم ولا تتمنى المرض والموت لحد لمجرد إنك رافضه”.

ماذا حدث مع محمد رمضان؟

وقبل ساعات، دعم الفنان محمد رمضان زميله الفنان أحمد سعد بعدما تعرض الأخير لحادث سير على طريق العين السخنة، عبر حسابه الرسمي على “فيسبوك”.

وكتب محمد رمضان: “ربنا يقومك بالسلامة يا صاحبي وترجع لحبايبك وعيلتك وجمهورك بكامل قوتك”، ليعلق له متابع قائلًا: “عقبالك يا محمد رمضان”، فرد عليه رمضان: “عارف يا أذكى إخواتك إن ربنا بيديلك اللي انت اتمنيته لغيرك ويمكن أكتر.. لا حول ولا قوة الا بالله”.

محمد علي رزق يطالب بالقبض على منتحلي صفة الصحفيين

ومساء أمس، هاجم محمد علي رزق، بعض الأشخاص الذين ينتحلون صفة صحفيين ومصورين للحضور في المناسبات العامة، من أجل الحصول على المشاهدات وتحقيق الترند.

وقال محمد علي رزق عبر صفحته على “فيسبوك”: “كمية الناس اللي معاها موبايلات وبيحضروا أي مناسبة فيها فنانين وبيقعدوا يصوروا فيهم وينزلوا فيديوهات مكتوب عليها أي عنوان يثير الفضول علشان يعملوا مشاهدات على صفحاتهم بقت مخيفة”.

وتابع: “أتمنى يبقى فيه حل قانوني لقفل الصفحات دي، أو القبض على الناس دي، علشان بصراحة الموضوع زاد عن حده أوي، وبقى فيه اختراق خصوصية بشكل مخيف”.

واختتم: “وأتمنى إن اتحاد النقابات الفنية التلاتة ونقابة الصحفيين يجتمعوا ويقدموا بلاغ علشان الصحفيين أول ناس سمعتها بتّضر بسبب الناس دول، الناس دي بتستخبى وسط الصحفيين المحترمين اللي أغلبهم أصدقائنا”.

اقرأ أيضًا: 

محمد علي رزق يطالب بالقبض على منتحلي صفة صحفي

محمد علي رزق يكشف كواليس اللقاء الأول مع محمود عبدالعزيز

محمد علي رزق: "كان عندي عادة وبطلتها وأنا في إعدادي"