حمدي عاشور يدافع عن داليا مصطفى بعد الفيديو المهين لصاحبة الجلالة

الشاب حمدي عاشور وداليا مصطفى

فاطمة سليمان

A . .A

خرج الشاب حمدى عاشور، الذي ظهر في الفيديو المسئ للصحفيين مع الفنانة داليا مصطفى، عن صمته للرد على الهجوم الذي تعرض له واتهامه بإهانة مهنة الصحافة.

وأوضح الشاب أنه لم يتعمد إهانة الصحفيين بل إن الهدف من المقطع هدف إنساني وتوعوي بحسب قوله.

أول تعليق من صاحب فيديو أشباه الصحفيين

وقال حمدي عاشور لـ "تليجراف مصر": "الفيديو بيتكلم عن أشباه الصحفيين واللي بيستغلوا المهنة بشكل مسيئ والهدف منه توعية الناس والرسالة".

وتابع: "تاني حاجة أنا مش محتاج أعمل فيديو علشان يجيب ريتش، أنا وفريق كامل بقالنا أكتر من سنة بنقدم مشاهد تمثيلية بتناقش قضايا اجتماعية مهمة جدًا بنعيشها وبنسلط الضوء عليها، وبنقدم من خلالها رسائل مهمة".

ماذا حدث؟

ظهرت الفنانة داليا مصطفى في مشهد تمثيلي لا يدخل ضمن مسلسلات السباق الرمضاني 2026، أثار جدلًا وغضبًا في أوساط الصحفيين، بعدما سبّت صحفيًا وقالت له "انت حيوان".

المشهد الذي ظهرت فيه داليا مصطفى تقدم فيه شخصيتها الحقيقية كفنانة، جاء مع مؤدي يدعى حمدي عاشور، والذي أدى دور صحفي يلهث خلف الترند، على حد وصفه، ويسعى لأخذ تصريح من الفنانة.

ويدور المشهد حول دفن داليا مصطفى لوالدتها، لتتفاجأ بصحفي يجري خلفها للحصول على تصريح، ويدور حوار استطاع استفزاز عدد كبير من الصحفيين مطالبين بالتدخل العاجل من النقابة.

نص الحوار:

الشاب مؤدي دور الصحفي يرفع هاتفه ويصوّر داليا مصطفى وهي تبكي: "البقاء لله يا أستاذة.. ممكن دقيقة من وقت حضرتك.. سؤال واحد بس: هو صحيح طلاقك كان السبب في وفاة والدتك؟".

لترد عليه بقولها: “انت بتقول إيه؟”، وهنا يواصل: "والله مش أنا اللي بقول الناس اللي بتقول"، فسألته: "والناس بتقول كدة ليه؟، مش عشان الكدب والإشاعات اللي انت وأمثالك بتطلعوها".

المؤدي: "يا أستاذة أنا صحفي ودا شغلي ولو كلامي غلط كدبيني، الكاميرا معاكي"، فترد عليه: "هي الصحافة نسِتك إن انت بني آدم؟ بتقيس وجع الناس بعدد الفيوز". فيقول لها: "والله أعتقد إن حضرتك شخصية عامة وحياتك دي ملك للناس ومشاعرك جزء من القصة اللي الناس بتابعها".

وعاودت داليا مصطفى حديثها مع الشاب: "هو الفنان دا مش إنسان مش من حقه يبقى ليه مساحته وهو بيتوجع، يتقهر، يعيط زي بقيت البشر.. يا ابني أنا لسة دافنة أعز الناس على قلبي.. جوايا وجع ماحدش هيقدر يحس بيه غيري.. وانت جاي بمنتهى البساطة تسرقه وتتاجر بيه.. انت بتعمل كدا ليه وعشان إيه؟".

ليرد الشاب: "عشان إجابتك دي هتعيشني شهور.. لو مارجعتش بلقطة أو تصريح أخسر أكل عيشي.. انتِ واقفة تحاسبيني على إيه؟.. على 4 سنين بهدلة في إعلام؟ ولا على الـ 3000 اللي المفروض أعيش بيهم؟.. أظن إن الإنسانية اللي بجد إنك تجاوبي على سؤالي".

واستكملت داليا مصطفى الحوار: "إنك تبيع وجع الناس وتتاجر بكسرتهم دا بتسميه شغل؟".. ليجاوب عليها المؤدي دور الصحفي: "آه شغل.. كلامك ودموعك بالنسبة لي بتساوي فلوس.. استأذنك تجاوبي على سؤالي".

واختتمت داليا مصطفى: "انت حيوان.. آدي اللقطة اللي انت محتاجها.. قبضك.. شاهد الفنانة داليا مصطفى بعد عزاء والدتها تسب أحد الصحفيين.. حلو كدا؟! ولا تحب تنخليها سب وضرب؟".