“ليه مش بنشوف ربنا؟”.. علي جمعة: يوم القيامة هنشوفه

أجاب فضيلة الدكتور علي جمعة، مفتي الديار المصرية السابق، على سؤال طفلة: "ليه مش بنشوف ربنا؟”، 

وقال جمعة : “ربنا خارج الدائرة، هل إحنا نقدر نشوف أمواج الرادار، أو تيار الأشعة اللي بنعمل بها حاجات في جسمنا، الإنسان بيشوف بعين والضوء وبينعكش على الحاجة، طيب فين الضوء اللي هينعكس على ربنا”.

“هنشوف ربنا يوم القيامة”

وأضاف جمعة، خلال حلقة برنامج "نور الدين"، المذاع على قنوات الشركة المتحدة، اليوم الخميس: "الضوء مينفعش يتسلط على أي حاجة، وربنا ليس مخلوق ومش ممكن يكون مخلوق، ربنا خارج الدائرة الكونية التي فيها، كل المخلوقات، ويوم القيامة هنكون على طرف الدائرة وساعتها هنشوف ربنا بس إزاى منعرفش يبقى كل اللي علينا نعمل عمل صالح علشان نشوف ربنا ".

وتوجه طفًلا آخر بسؤال “هو ربنا عنده كام سنة؟”، ليجيبه الدكتور علي جمعة قائلا: "ربنا موجود على طول، محدش بيعد لأنه سبحانه خارج الدايرة، فلا بداية ولا نهاية له ومحدش يعرف يعد لأنه مفيش زمن.. عدم وجود الزمن يخلينا نقول مينفعش السؤال ده لأن الله مختلف عننا.. فحد يقول عمر ربنا قد أيه؟ نقول ليس له عمر، لماذا؟ لأنه ليس حوله زمن".

وأوضح جمعة أن هذه الدائرة أخبرنا الله سبحانه وتعالي أن على رأسها العرش، وهو أكبر مخلوق خلقه الله سبحانه وتعالي، فالعرش مثل السقف تحته الجنة التي يعطيها للمؤمنين الطيبين الذين فعلوا الخير، وتحته النار التي يهدد بها العصاة الظالمين المفسدين الذين قتلوا الناس وأخرجوهم من ديارهم، والذين اعتدوا على الأموال والأعراض.

برنامج نور الدين

يُذكر أن برنامج نور الدين، يُعرض على قنوات الشركة المتحدة، ويفتح حوارا مع الأطفال والكبار حول تساؤلاتهم عن الدين والله عز وجل، إضافة إلى المشكلات الحياتية التي تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار.

يجيب البرنامج على أسئلة “فين ربنا، مش بنشوفه ليه"، وغيرها من الأمور الذي يقف الآباء أمامها في حيرة شديدة دون إجابة ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا”.