من خلق الله؟.. علي جمعة: ربنا خارج الزمان

توجّه طفل بسؤال إلى مفتي الديار المصرية الأسبق، الدكتور علي جمعة، حول من خلق الله؟.

وقال الدكتور علي جمعة، خلال حلقة برنامج "نور الدين"، المذاع على قنوات الشركة المتحدة، اليوم الخميس: "ربنا خارج الزمان، لو كان في حد خلقه كان يبقى في زمان، مفيش حد خلقه".

وتابع “ده لو كان فيه حد خلقه يبقا كان فيه زمان وحد قبليه، وطالما فيه تغير يبقى فيه زمان، حتى لو مليارات السنين مقدرش أقول مين اللي خلقه لأن مفيش حد خلقه”.

ورد الطفل على إجابة الدكتور علي جمعة بسؤال: أومال هو هنا على طول؟، فكان رد مفتي الديار المصرية "أيوه.. لأنه مفيش زمان، ومحدش بيعد ومحدش بيقول إنت عمرك يا رب مليون سنة، لأنه سبحانه وتعالي خارج الزمان".

يعرض برنامج “نور الدين”، على قنوات الشركة المتحدة، حيث يفتح الدكتور علي جمعة مفتي الديار السابق، حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار، دومًا ما يسألوها لأهاليهم الذين يجدوا نفسهم في حيرة من أمثلة فين ربنا، مش بنشوفه ليه، وغيرها من الأمور الذي يقف الآباء أمامها في حيرة شديدة دون إجابة ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا.