أرملة حلمي بكر: "مرتضى منصور كان عليه فلوس لجوزي"

هاجمت سماح القرشي أرملة الموسيقار الراحل حلمي بكر، الفنان مصطفى كامل، نقيب الموسيقيين، خلال لقاء في بودكاست "Restart" الذي تقدمه الإعلامية داليا المتبولي.

وكشفت سماح القرشي، عن هجوم مصطفى كامل على المنزل، قائلة “جابوا ناس وهجموا على البيت وأنا موجودة وعندنا فيديوهات وصور بدا”.

مصطفى كامل عار

 أوضحت سماح: مصطفى كامل ومعاه أفراد نفس العيلة اللي كانوا بيشهروا بالجثمان ومصطفى كامل زعيمهم، وصدقيني عار علينا كلنا وعار على الفن وعار على مصر إن مصطفى كامل دا يكون نقيب الموسيقيين.

هجوم على مرتضى منصور

وعن رأيها في موقف مرتضى منصور، قالت: “ما نعرفهوش ولا عمر الموسيقار جاب سيرته، وأتذكر كلمة قالها حلمي بكر أثناء النصب عليه في الفلوس وقولناله نجيبلك الاسم اللي قولتيه دا قال لي يجيب الفلوس اللي عليه الأول”.

قضية حلمي بكر

وقال الفنان مصطفى كامل، إنه لن يبيع قضية وفاة الراحل حلمي بكر، لكن القضية الآن ليست في يده، بل في يد ابنه هشام وأسرته، وهم أصحاب القرار الأول والأخير.

 رسائل ابن حلمي بكر

وأضاف مصطفى كامل قائلًا "أنا كنت بتفرج زيي زي الناس، وكان بييجي لي رسائل الحق أستاذ حلمي وسألت عن ابنه قالوا هنا وما سألش عن أبوه، واتبلغت إنه عايز يكلمني قلت لهم يكلمني ليه الراجل بينتهي، وهو بعت لي رسالة إنه عايز يتواصل معايا قلت له إيه المطلوب مني أنت كنت موجود في مصر ما سألتش على باباك ليه".

آخر وصايا حلمي بكر

وأشار مصطفى كامل إلى أن آخر ما أوصى وخاف عليه حلمي بكر، ابنته الصغيرة قائلًا: “أستاذ حلمي كان فارق معاه بنته بس، أنا شوفت في عين الأستاذ إن البنت هي نقطة ضعفه، هو كان عامل زي حد عايز حاجة حلوة في حياته يرتبط بيها، كنت بحس إنه مش بيتكلم على طفلة كان بيتكلم عليها كأنها البنت والأم، وكان يرفض إن أي حد يتكلم عنها، كان بيدلعها بـ”أوما"، وهي ربنا يكون في عونها طبعًا دلوقتي، هي كان هدفها إنه يعيش".

علاقة قوية

مصطفى كامل كان قد تحدث سابًقا عن الراحل، قائًلا بأنه كان يعتبره والده وصديقه، وإنه تعرف عليه في 1994 وأخبره الراحل بأنه يشبهه كثيرا، ويذكره بنفسه، وأضاف "علاقتنا استمرت منذ هذا الحين، وبعد سنوات أصبح جارًا له لتتوطد العلاقة أكثر، فيما عدا 7 شهور فقط أبعده البعض عنه عن عمد.