ما لم تره في السوشيال ميديا.. القصة الكاملة لمشادة كامل الوزير مع مهندس بني سويف

شهدت جولة وزير النقل، الفريق كامل الوزير، لمتابعة التشغيل التجريبي لمحوري الفشن وديروط بمحافظة بني سويف، واقعة مثيرة، تصدرت منصات التواصل الاجتماعي، بعد انفعاله على أحد المهندسين المسؤولين عن شرح تفاصيل المشروعات.

محور شبراخيت في البحيرة ومحور سمنود في القليوبية

بدأت القصة بارتباك المهندس خلال استعراض لوحة المشروعات أمام الوزير، ليصاب بحالة من الارتباك أدت إلى وقوعه في أخطاء جغرافية، حيث نسب بعض المحاور لمحافظات غير محافظاتها الأصلية، قائلًا: "محور شبراخيت في البحيرة ومحور سمنود في القليوبية".

هو محور سمنود في القليوبية ولا في الغربية؟

خطأ المهندس لم يمر الخطأ مرور الكرام، حيث تدخل الفريق كامل الوزير على الفور مقاطعًا المهندس بانفعال شديد لتصحيح المعلومات، متسائلًا: "هو محور سمنود في القليوبية ولا في الغربية؟”. 

امشي خالص من قدامي

ومع استمرار تعثر المهندس في الشرح، تصاعد غضب الوزير الذي أمره بمغادرة المكان فورًا قائلًا: "امشي خالص من قدامي، امشي خالص، امشي خالص، خالص".

مش بقولك كده علشان احرجك قدام الناس

وفي متابعة لباقي تفاصيل المشادة، حرص كامل الوزير، على توضيح وجهة نظره للمهندس قائلًا: “أنا مش بقولك كده علشان أحرجك قدام الناس، أنا بعلمك، أنا كده مع كل المهندسين بتوعي”.

وأضاف: “أنا عايز المهندس يعرف يتكلم ويبقى دريان بالدنيا، علشان لو جيت أوسع الطريق بعد كده، أنا بحجز مكان عشان أوسع الحرم، ولو عاوز أعمل دوران يبقى في عندي مساحة تسمح بده، وتسيب مكان للجزيرة”.

كل المهندسين عندي زي محمد كامل الوزير

وشدد وزير النقل على أن علاقته بمرؤوسيه تقوم على التحفيز والتعلم قائلًا: “أنا عاوز أعلم مهندسيني إزاي يعرفوا يتكلموا، وذهنهم حاضر ومصحصح، مش معقول تبقى مهندس في هيئة الطرق وما تعرفش تفاصيل الطريق اللي بتشرف عليه، بنحفز ونعلم، ونطبطب، وكل المهندسين عندي زي محمد كامل الوزير، بتعامل بمنطق الأب وأبنائه”.

اقرأ أيضًا:

بعد افتتاحه التجريبي.. محور ديروط يتحول إلى شريان تنموي يخدم أهالي أسيوط والصعيد