عصام صاصا: أنا موجود أكتر من ويجز.. ومسموع أكتر من عمرو دياب

كشف مطرب المهرجانات، عصام صاصا، أرباحه الحقيقية من موقع الفيديوهات الشهير يوتيوب. وقال: أنا بكسب، اللي بيقولك مش بيكسب يبقى بيضحك عليكِ، أنا بكسب، ولكن مش اللي في خيال الناس.

وأضاف صاصا خلال برنامج أسرار، الذي تقدمه الإعلامية أميرة بدر، المذاع عبر شاشة قناة النهار: لما أرقامي على اليوتيوب والمنصات عدت عمرو دياب ومحمد رمضان، متغرتش ولكن انبسطت.

وتابع صاصا: عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي.

أضاف صاصا: الناس فاكرة إني بكسب مليارات مفيش الكلام ده، أنا عمر ما سألت أغنية ليّ جايبة كام، أنا متعاون مع شركة تبع اليوتيوب حافظة حقوقي.

واصل عصام صاصا حديثه قائًلا: أتشرف أعمل دويتو مع محمد رمضان، هو أكيد تعب في حياته بجد، أنا لو مكانه أو أي حد هيبقى مكانه هيبقى كده.

وحول رؤيته لأيهما أكثر جماهيريًا هو أو ويجز، قال صاصا: أنا ممكن أكون موجود في الشارع أكتر من ويجز، لأنه ممكن يكون بيعمل أغنية كل شهرين، لكن أنا ممكن في الشهر أعمل 10 أغاني، وبحب له أغنية البخت.

وكشف صاصا تفاصيل الصلح بينه وبين عمر كمال وحمو بيكا، وقال: مشكلتي مع حمو بيكا كانت من خلال إدارة أعماله طول الوقت بيكرهني فيه، على الرغم من أني مكنتش أعرفه ولا قابلته غير مرة. مضيفا: كنت مضايق من عمر كمال، لأني سجلت معاه أغنيتين، واتفقنا أن كل واحد هيأخد أغنيه عنده، أنا نزلت الأغنية بتاعتي، لكنه شال صوتي، ونزل بداله صوت حمو بيكا، لكني قفلت الأغنية على يوتيوب، أنا مش بسيب حقي.