رانيا منصور عن نجاح ابنتها في "كامل العدد": "الموضوع جه بالصدفة"

عبّرت الفنانة رانيا منصور عن سعادتها لنجاح دور ابنتها الممثلة الشابة توانا الجوهري في مسلسل "كامل العدد +1".

“الناس بتتصور معاها”

وقالت رانيا لـ"تليجراف مصر"، “أكيد مبسوطة بنجاحها، ومبسوطة إن الناس حبوها، وطول ما إحنا ماشيين بيتصوروا معاها، وكل الناس بتكلمني علشان هي تريند على التيك توك”.

“الموضوع جه بالصدفة”

وأضافت “هي نفسها مخضوضة من الموضوع ونجاح دورها في المسلسل، وماكنش في بالها التمثيل دلوقتي، والموضوع جه بالصدفة، ومخضوضة إن الناس عارفاها في الشارع وبيتصوروا معاها”.

مواعيد المسلسل كانت مساعدة

وتابعت “عرفت من شركة الإنتاج والمخرج خالد الحلفاوي، إن مواعيد المسلسل مراعينها علشان الأولاد الموجودين بسبب المدارس، وكل حاجه كانت مساعدة على أنها تبقى موجودة في الدور، وإن هي تشتغل في مسلسل ناجح ومع دينا الشربيني والأبطال الموجودين، والجو العائلي للعمل، والأولاد كان صحابها كلهم”.

مسلسل “كامل العدد +1”

وضم مسلسل "كامل العدد +1" مجموعة كبيرة من أبرز الفنانين ومنهم، دينا الشربينى، شريف سلامة، إسعاد يونس، آية سماحة، جيهان الشماشرجى، ميمى جمال، أحمد كمال، أحمد جمال سعيد، سمر علام، عمرو جمال، تميم عبده، جيسيكا حسام الدين، حمزة دياب، ألفت إمام، تأليف رنا أبو الريش ويسر طاهر إخراج خالد الحلفاوي.

دور توانا في مسلسل “كامل العدد +1”

وتلعب توانا دور صديقة أولاد الفنانة دينا الشربيني من المدرسة، ويحاول كل من شريف وفريد أن ينالوا إعجابها، ولكنها اختارت شريف.