ميار الببلاوي: فنانة حاولت تسممني.. وحبست جوزي

واجه شيخ العرافين الفنانة ميار الببلاوي، بحقيقة محاولة فنانة تسميمها عبر وضع السم في الطعام داخل منزلها، لترد عليه قائلة: "يخرب بيتك يا شيخ الخباصين وشيخ الموقعاتية، إحنا المفروض نعملك مقام سيدي الخباص، معرفش جبت الكلام دا منين".

وأضافت الببلاوي في حوارها مع الإعلامية بسمة وهبة مقدمة برنامج "العرافة"، عبر شاشة قناتي "المحور" و"النهار": قائلة "اللي بتقوله حصل جوه بيتي ومحدش يعرف.. يخرب بيت عقلك، أنت أكيد مخاوي". 

من الفنانة؟

وتابعت الببلاوي: "عمري ما هقول اسم الفنانة، لكن الموقف اللي قلته حصل بالفعل، كانت بتحب حد، ولما قالت له إنها بتحبه، قالها إنه عايز ميار، وهي مجاتليش بنفسي لكن بعتت لي خدامة، علشان تحط السم،  والشخص اللي حبته ده رجل أعمال كبير، وخلاص مش هينفع أقول اسمها دلوقتي".

حقيقة زواجها السري 

وكشفت ميار الببلاوي حقيقة زواجها في السر، قائلة "عمري ما اتجوزت في السر، ومشكلتي إني لما بتجوز بقول لكل الناس، وزوجي اللي على ذمتي حبسته قبل كدا، وهو كان مضايق إني مشيت من البلد اللي كنا متجوزين فيها من غير ما يعرف.

أضافت ميار: أنا كنت عايزه امشي وأخدت ابني ومشيت من البلد، وروحت رفعت عليه قضيه وحبسته، وطلقني كتير، واتجوزنا كتير، وقلبي وجعني لإن دا واحد حبسته، وكان أول راجل حبيته واتجوزته في حياتي،  وأكيد لو فكرت يكون في حياتي راجل أكيد هيكون هو.