يسرا عن تكريمها في بيروت: "لو مجتش كنت هتقهر"

عبّرت الفنانة القديرة يسرا عن سعادتها بتكريمها في مهرجان بيروت لسينما المرأة، تقديرًا لمشوارها الفني الحافل بالأعمال البارزة.

وقالت يسرا، "أنا لما جيت من المطار كانت وحشاني لبنان، وبقالي أكتر من سنة مجتش، ولما دخلت حسيت بيروت حزينة، اللي حصل إمبارح خوفت أحزن أكتر".

وتابعت: "خوفت أكتر عليكم، وفي نفس الوقت عمري ما عيشت اللحظة دي، دمعت لما شفت انتوا بتتعاملوا إزاي مع الأشياء دي، واتكسفت من نفسي".

وأضافت: "أنا عيشت معاكم في التكريم ده كل حياتي، ذكرياتي، أوجاعي، ضحكاتي، نجاحاتي، فشلي، كل حاجة عشتها معاكم لحد اللحظة دي، وكنت هزعل أوي لو كنت مجتش النهارده كنت هتقهر".

وصول يسرا لمهرجان بيروت

وحرصت الفنانة يسرا، على أن تكون أول الحاضرين على السجادة الحمراء في مهرجان بيروت لسينما المرأة، وظهرت في حفل الافتتاح مرتدية فستان أسود مخلوطًا باللون الذهبي، والتقطت صورًا تذكارية مع صناع المهرجان.