وصفوه بـ"جاهل معاه ملايين".. عمر كمال يخرس منتقديه بأيام "الكحرتة"

أثار ظهور مطرب المهرجانات عمرو كمال في إحدى أغانيه بسيارته الفارهة، التي تتجاوز قيمتها 10 ملايين جنيه، وتحمل لوحة معدنية بحروف اسمه "ع م ر"، موجة من الجدل والانتقادات على مواقع التواصل الاجتماعي.

كمال واجه اتهاماتٍ بالتباهي بثرائه الفاحش، وعدم مراعاة مشاعر الفقراء، خاصةً في ظلّ الأوضاع الاقتصادية الصعبة التي تُعاني منها مصر، غير أنه سرعان ما رد في مقطع فيديو منتشر عبر “فيسبوك” على سؤال “إزاي جاهلين ومعاكم ملايين؟”، وأشاد به الفنان صبري فواز حين أعاد نشره عبر حسابه معلقا “أنا حبيتك ياض”. 

وقال كمال في ره على هذه الانتقادات، "الناس كانت فين وأنا شغّال في البنزينة باخد جنيه واتنين بقشيش؟".

وأضاف "اشمعنا أنا لمّا كنت شغال في بنزينة بجمّع البقشيش بتاعي.. ماكنتش بشوف عربية مرسيدس ولّا بي إم وأقول تلاقي أمه اللي جايبهاله.. ماكنتش بقول يا ريتني اتعلمت زيه علشان أجيب عربية زي دي.. اشمعنا.. كنت بقول الحمد لله ربنا يبارك له ويديله ويغني كل الناس".

وتابع “لما كنت شغال في محل جزم كانوا مسميني عمر أرتكلات.. مفيش كرتونة في المحل ماكنتش حافظها.. كنت بجيب الكراتين تحت رجل الست علشان تقيس.. اشمعنا ماقولتش ليه كدا؟”.

وواصل “إشمعنا لما كنت شغال فرد أمن 12 ساعة في السخنة في عز البرد بـ1200 جنيه ويجي منهدس محترم كنت استقبله وأروح أجيب له اللي عايزه وأخدّم عليه.. إشمعنا ماقولتش وهو مهندس وأحسن مني ليه بيعاملني كدا”.

واستكمل "إشمعنا لما كنت شغال في محل، أروح أجيب طلبات وأطلع البرج وآخد السلالم رايح جاي أجيب له طلبات من البيت.. إشمعنا ماقولتش لأ.. ماقولتش متعلمين ومش متعملين.. إشمعنا لما جيه دوري كله حقد عليا.. ليه"؟!

وقال مؤدي المهرجانات “طول عمري بصرّف حالي.. الدنيا مابتحبش الكسلان واللي قاعد يندب حظه.. أنا نزلت القاهرة بـ10 جنيه واشتغلت كاشير في محل بـ300 جنيه.. وصرّفت حالة ومشيت في الدنيا وعرفتها ماشية إزاي.. وغنيت ودخلت في وسط الحياة علشان أمشي حالي.. أنا هقعد أحط إيدي علي خدي وأقول الشهادة مانفعتنيش؟!”

واختتم "اللي يقعد يندب حظه ويكتب بوستات ويقول نفسي في 5 مليون جنيه.. خليك أنت اقعد أكتب وسيب لنا إحنا الشارع والشغل والحركة.. ربنا عادل وقال "ورفع بعضكم فوق بعض درجات".. أنا كنت تحت وتحت أوي ماكنتش اعرف الصفر فين.. وفي أي حاجة بقول الحمد لله".