حكم من حلف بالله كذبًا؟.. الإفتاء تجيب

أجاب الشيخ محمد كمال، أمين الفتوى بدار الإفتاء المصرية، على سؤال متصلة يقول "حلفت بالله كذبا ومعرفش ليه عملت كده"؟.

الإيمان يمين لغو ويمين منعقدة

وأوضح أمين الفتوى، خلال حلقة برنامج "مع الناس"، المذاع على فضائية "الناس"، اليوم الثلاثاء، "عندنا الإيمان يمين لغو ويمين منعقدة، اللغو اللي هو مش عازم النية على الحلف، يعني واحد بيقول لواحد والله تيجي تتغدي معانا، هنا مفيش عليه كفارة".

وتابع "يمين منعقدة، هو واحد بيحلف على أمر على عكس الحقيقة وهو عارف إنه يكذب، هو كده عليه التوبة والاستغفار، ولازم يطعم 10 مساكين، أو صيام 3 أيام متواصلة".

المسلم لا يكذب

وأضاف "الكذب حرام شرعا، ولا يجوز على المؤمن الكذب مهما كانت الأسباب، وسيدنا النبي صلى الله عليه وسلم، قال: (المسلم لا يكذب)، وبالتالى يمكن استخدام التورية حتى لا نتورط فى الكذب، بمعنى لو حد بيسألنى فلان عندك فى المكتب، وهو فعلا موجود، أقوله يمكن في المسجد، وهو في المكتب بس أنا هنا لم أكذب".

وفي سياق آخر، أجاب أمين الفتوى، على سؤال متصلة يقول "هدخل هعمل عملية ببنج كلي، وممكن يكون فيها فترة، هل الصلوات اللى هتفوتني عليها فيها قضاء؟".

ليس على المريض حرج

أوضح كمال، "أن البنج الكلي بيكون فيها غياب عن الوعي، وبالتالي لو هتعمل العملية بعد الظهر، تصلي، ولو فترة الإغماء طولت لصلاة أخرى وربنا كتب لك الإفاقة صلي، على حسب قدرتك الصحية".

وتابع "بمجرد الإفاقة وعندها القدرة على الصلاة، وجب عليها الصلاة، ولو ليس عندها القدرة يبقى ليس على المريض حرج".