وزير النقل عن حادث محور كمال عامر: "اعقلوا.. مفيش حاجة انهارت"

رد الفريق كامل الوزير وزير النقل، على ما تردد حول انهيار جزء من محور كمال عامر،  قائلاً "أنا المسئول عن كل كباري مصر، مفيش حاجة انهارت ولا وقعت، واللي اتقلب، كمرة كانت على ونش خلال تركيبها".

وأضاف الوزير، خلال مداخلة هاتفية مع الإعلامي أحمد موسى، ببرنامج "على مسئوليتي"، عبر فضائية "صدى البلد"، مساء الثلاثاء “الكمر كانت بعيدة عن الشارع في آخر منزل للكوبري اللي شغال تجريبي ولا تشكل خطورة على الناس".

وأكمل “الناس إمبارح قالوا الحق الكوبري وقع، واعدموا كامل الوزير الذي أنفق 2 مليار جنيه على الكوبري المنهار”، موضحًا "ده كمر خرساني وقعت وكمان مالت على جنبها واتقطمت، وللأسف توفي في الحادث العامل المسئول عن تصبين الكمر الخرساني".

وتابع وزير النقل "مهما نقول اللي كارهينا كارهينا وربنا يهديهم ويقدّرنا ونعمل حاجات كتيرة لبلدنا تحت إشراف رئيسنا في الولاية اللي انتخبه فيها الشعب الأصيل اللي فاهم، حللوا واعقلوا وشوفوا أيه يتقال وأيه ميتقالش".

وواصل الفريق كامل الوزير وزير النقل، أن “الكوبري لم يتم افتتاحه بعد وإنما شغال تجريبي، والرئيس السيسي هيشرّفنا في مرة لافتتاح كل المشروعات في المنطقة”.