سلطان الشن لـ مسلم: "كنت بتجري ببامبرز"

اشتعلت الأزمة بين مطرب المهرجانات مسلم، والمنتج سلطان الشن، بعد حصول الأول على حكم قضائي بفسخ عقده مع الثاني، وتبادل الطرفان المنشورات عبر وسائل التواصل الاجتماعي.

علق الشن، على بيان محامي مطرب المهرجات الشعبية  الذي نشره مسلم، عبر حسابته الرسمية على السوشيال ميديا، وأعلن من خلاله تفاصيل الحكم القضائي لفسخ التعاقد بين الطرفين.

كنت بتجري ببامبرز

كتب “الشن”، عبر خاصية الستوري على “إنستجرام”: “قول للمحامي لما يعمل بيان صحفي يركز ويعدل التاريخ كويس ٣٠/١/٢٠٢٤ مش ٣٠/١/٢٠١٤ ٢٠١٤ أنت كنت بتجري ببامبرز في الشارع، والله واعلم كان في بامبرز ولأ لأ”.

وتابع: “الناس عارفه مين الصادق ومين الكذاب، الحمد لله عمري ماقولت حاجة كذب على الناس زيك، كل حياتك عايشها بالكذب، فخلي الهري بتاعك ينفعك، وخلي ليا الافعال القانونية”.

مسلم يعلن فسخ التعاقد

أعلن مؤدي المهرجانات مسلم، فسخ تعاقده مع منتج أعماله سلطان الشن، بعد خلافات استمرت لفترة طويلة بين الطرفين، بعد أومة بين الثنائي امتدت لأكثر من 4 أعوام، وأدت إلى إغلاق أغنيات “مسلم” على جميع المنصات الموسيقية.

ونشر مسلم، عبر حسابه بـ“إنستجرام”، مقطع فيديو قال خلاله: "النهاردة أكتر يوم أنا مبسوط في حياتي، عمري ما هنسى اليوم ده أبدًا".

رحمة من ذل

وأضاف: "يوم رحمة من ذل وتعب ومعافرة 4 سنين، تم فسخ العقد بيني وبين المنتج سلطان الشن وبحمد ربنا على كل حاجة".

وتابع: "أنا كنت عايز كل حاجة تخلص ولكن استنيت قانون بلدي وربنا نصرني، ومشيت مرضي ومش عايز حاجة غير أني أكون في حالي واشتغل وانجح، وهذا الموضوع كان تعبني نفسيا جدا، الحمد لله ومفيش أي قفل أغاني تاني".