"الممثلين" ترد على استغاثة نبيلة عبيد من الإيجار القديم: "ملناش دعوة"

منير مكرم ونبيلة عبيد
فاطمة سليمان
رد الفنان منير مكرم، عضو مجلس إدارة نقابة المهن التمثيلية، على استغاثة الفنانة نبيلة عبيد بالنقابة بعد إقرار قانون الإيجار القديم، والذي يقضي بإنهاء العلاقة الإيجارية بعد 7 سنوات، وهو ما يهدد بإخلاء شقتها في جامعة الدول العربية.
القانون فوق الجميع
وقال منير مكرم لـ “تليجراف مصر”: “النقابة ملهاش علاقة إحنا مواطنين مصريين وده قانون والقانون فوق الجميع ومحدش يقدر يقف قدامه فالنقابة ملهاش أي تدخل”.
وتابع مكرم: “أنا شقتي إيجار قديم بردو والقانون هيمشي عليا زيي زي أي حد، أنا مواطن طيب بفطر فول وطعمية وماشي جنب الحيط وأتمنى إن كل الناس تبقى بخير".
استغاثة نبيلة عبيد
وأبدت الفنانة نبيلة عبيد تخوفها بعد إقرار قانون الإيجار القديم الذي تمت الموافقة عليه من مجلس النواب مساء أول أمس، حيث قالت في تصريحات لـ “تليجراف مصر”: "هياخدوا مني الشقة اللي فيها تاريخي السينمائي كله فيها هدومي وفيها صوري وجرايد ومجلات كل التاريخ بتاعي اللي بقاله أكتر من 40 سنة موجود في الشقة دي”.

وأضافت نبيلة عبيد باكية: “أنا مش عارفة أشيل التاريخ الفني اللي في الشقة ده أوديه فين يعني يستنوا لما أموت وياخدوه إنما بين يوم وليلة؟ أنا أجيب مكان منين، أنا لسة شايفة القانون إمبارح ومش عارفة أتفاهم مع مين؟”.
منزل نبيلة عبيد
وتابعت عبيد: “البيت ده من أيام بداياتي انا بفتح المفتاح وأخش اشم ريحته وريحة أمي اللي كانت عايشة معايا فيه.. أنا لا اتجوزت ولا خلفت أنا عيشت مع أمي فيها وكل فني وكل اللي عملته في الشقة موجود.. وأصحاب الملك ما هيصدقوا ياخدوها دي شقة إيجار في جامعة الدول العربية”.
واختتمت نبيلة عبيد حديثها: “أنا في حيرة مش عارفة أخد الحاجات دي كلها من يوم وليلة أوديها فين.. القانون ده مالهوش غير أذية ليا أنا.. وبردو ناس كتير هتتأذي وأنا بالأخص لإن عندي تاريخ كبير فيها، وأنا هتكلم مع النقيب أشرف زكي بليل”.

الأكثر قراءة
-
برخصة وشروط.. هل تتجه الدولة لحصد 88 مليار جنيه من "راكبي العَجل"؟
-
انتقام عاطفي.. سيدة تدمر حلم خطيبة طليقها بـ41 غرزة في القاهرة
-
فترة مسائية بشروط.. عيادات المستشفيات الحكومية لـ"الإيجار" (خاص)
-
من العياط إلى محطة مصر.. حوادث قطارات أطاحت بوزراء النقل
-
“إديوكاش” تطلق أقوى برنامج لتمويل مصروفات التعليم
-
الزيتون يحترق والاحتلال يترنح.. غزة "ملحمة صمود"
-
ترامب في العناية المركزة.. ما حقيقة الصور المتداولة؟
-
كيف أبرزت السينما المصرية حوادث القطارات في 80 عاما؟

أخبار ذات صلة
وفاة نجل إبراهيم سعفان.. وهذا موعد ومكان الجنازة
31 أغسطس 2025 10:42 ص
حفل كامل العدد.. الآلاف يرددون أغاني عمرو دياب طوال ساعتين بلبنان (صور)
31 أغسطس 2025 09:37 ص
محمد منير يُشوّق جمهوره بأغنية "لينا سيرة" من فيلم "ضي" قبل عرضه
31 أغسطس 2025 09:10 ص
حورية فرغلي: انتحلوا شخصيتي وطلبوا مني نص مليون جنيه
31 أغسطس 2025 08:51 ص
كيف أبرزت السينما المصرية حوادث القطارات في 80 عاما؟
30 أغسطس 2025 07:40 م
قبل بداية حفله ببيروت.. عمرو دياب يزور رئيس وزراء لبنان
30 أغسطس 2025 11:11 م
وسط تجمع عائلي.. عقد قران نجل بيومي فؤاد
30 أغسطس 2025 10:38 م
"بتهدموا الحلو".. سما المصري ترد على فيديو صلاتها في بث مباشر
30 أغسطس 2025 09:57 م
أكثر الكلمات انتشاراً