بص شوف الحركة دي

اختيارات من متعدد 
وسبق ملهوش حدود ولا نهاية 
واللي فاكر إنه سبق 
كان خسران من البداية!!

أصل الانتصار عمره م كان بكسر الخواطر

والانتصار عمره ما كان بنسج الباطل

والحقيقة الثابتة 
إنه ما يقع الا الشاطر 

في ظل المحاولات المستميتة لإثبات الذات 
في حياة مليئة بالقسوة والتحديات

لازم يكون ليك موقف
وتعرف إن القيمة أهم بكتييير من السعر

وإنه حقيقي مش كل حاجة تقدر تشتريها بالفلوس 

صحيح إن المال غنى
والسلطة قوة 
والنجاح عزة 
والعيلة عزوة

بس النفس هي ملكة الملوك

واللي يفقد عزة نفسه 
لا يمكن هيعيش مبسوط 

المشي ورا القطيع في الغلط عمره ما كان بينجح

وفيه ناس للأسف عقولها حديد مسلح 

وحتى لو الحركة حلوة 
واللقطة مبهرة 
خليك ورا المبدأ

لأنه هو اللي هيكسب مهما طال الزمن