"تعب 13 سنة راح هدر".. عمال "يونيون إير" يستغيثون بعد فصلهم تعسفيًا (خاص)

تداول مستخدمو مواقع التواصل الاجتماعي المختلفة، منشورات تفيد بفصل عدد كبير من موظفي شركة “يونيون إير” تعسفيًا، وبشكل مفاجئ دون إخبارهم في وقت مسبق، حيث لاقت المنشورات تفاعلًا كبيرًا.

تفاصيل فصل موظفين يونيون إير تعسفيًا

ومن جانبه، كشف أحد الموظفين المفصولين تعسفيًا من “يونيون إير” ويٌدعى أحمد علي، التفاصيل الكاملة لفصل أكثر من 90 موظف بالشركة تعسفيًا بشكل مفاجئ وبدون أسباب واضحة.

وقال علي لـ“تليجراف مصر”: “المشكلة بدأت في شهر مارس الماضي وإحنا في اجتماع بلغونا إن ده آخر يوم لينا في الشركة، وده بشكل مفاجئ ودون إبلاغنا مسبقًا، وأجبرونا نمضي على الاستقالة علشان ناخد عمولاتنا وراتبنا، وبعد ما مضينا مدوناش حاجة”.

وأضاف موظف شركة "يونيون إير": “فصلوا أكتر من 15 مشرف و75 مندوب ده غير عمال المصنع اللي برضو مشوهم فجأة وقالوا لهم في اليوم اللي مشيوا فيه إنه آخر يوم ليهم”.

وتابع: “في ناس من المفصولين كان بقالهم أكتر من 13 سنة في الشركة وليهم عمولات بأرقام كبيرة، ولكن محدش فيهم أخد حاجة ولما طالبنا بالفلوس قالوا لنا مالكوش حاجة وكل عمولات الشهور السابقة متصرفتش، رغم إن الشركة بتبيع ومحققة التارجيت ومفيش أي أزمة مالية”.

وأكمل: “كان فاضل على عقدي 3 شهور وينتهي ومخدتش عمولاتي من شهر 1، ولا حتى مرتباتنا اللي قالوا لنا هناخدها بعد ما نمضي الاستقاله، وعملنا شكوى في مكتب العمل، ورفعت شكوى على موقع مجلس الوزراء”.

وعن سبب فصلهم، قال موظف الشركة: “الإدارة قالت لنا هو ده اللي عندنا، وحاولنا نتواصل مع المسؤولين في الشركة ولكنهم رفضوا يقابلونا، وإحنا عاوزين حقوقنا وعمولاتنا ومرتباتنا”.

طفل يستغيث لفصل والدة تعسفيًا من شركة يونيون إير

وكان طفل يٌدعى يونس هشام، استغاث عبر منشور كتبه على فيسبوك، من فصل والده من شركة “يونيون إير” تعسفيًا بشكل مفاجئ.

وقال يونس في منشوره: "السلام عليكم أنا اسمي يونس هشام يونس في 3 إعدادي بابا اسمه هشام يونس علي، كويس جدا وطيب وراجل أوى وجدع.. محتاجكم تساعدوا بابا عشان بجيب حقه".

وأضاف الصغير: “بابا شغال في شركة يونيون إير، مشوه هو وصحابه ومخدوش حقهم، أنا مضايق أوي عشان بابا هو ميستهلش كده هو بيعمل كل حاجة عشاني أنا وأختي”.

وتفاعل مستخدمو مواقع التواصل الاجتماعي، مع منشور الصغير يونس، داعيين لوالده لأخذ حقه.