نغم ياسر الرابعة على الثانوية العامة أدبي: تعبت شهرين بمرض شديد.. و"كنت بصلي وأدعي"

لم يوقف المرض نغم عن السير لطريق حلمها وتفوقها، فعلى الرغم من إصابتها بمرض شديد جعلها طريحة الفراش 60 يومًا، الا أنها استطاعت أن تكون الرابعة على الجمهورية الشعبة الأدبية، ضمن قائمة أوائل الثانوية العامة 2026.

وقالت نغم ياسر الرابعة على الجمهورية بالثانوية العامة الشعبة الأدبية: “والله ما كنتش متوقعة، ولحد دلوقتي مش مستوعبة اللي حصل، الحمد لله ربنا كريم وكتب لي الخير”.

وأضافت نغم خلال حديثها لـ"تليجراف مصر": “تعبت بمرض شديد في فترة الثانوية وقفني شهرين، وده أثر عليا نفسيًا وجسديًا، لكن الحمد لله قدرت أكمل.. واجتهدت على قد ما أقدر، وكنت حريصة على الصلاة والدعاء، وربنا أكرمني” .

فيما قالت والدتها: “الحمد لله والله فضل ونعمة من ربنا، أنا كان عندي ثقة إن ربنا مش هيضيع تعبها، وإن ربنا هيكرمها، لكن الصراحة هي فاجأتنا وفرحتنا بيها كبيرة أوي”.

وعن ظروف نغم قالت الأم: “طول فترة الدراسة مرت بظروف صعبة، وتعبت فترة كده، تقريبًا شهرين أو تلاتة كانوا وقت صعب عليها، خصوصًا في الفترة الأخيرة، لكن الحمد لله ربنا عوضها وكرمها”.

وتابعت: “أهم حاجة عندي إنها اتطمنت إن ربنا كان معاها في كل خطوة، وده أكبر فرحة لينا.. ورسالتي لكل الأهالي إنهم يعلموا ولادهم يعملوا كل اللي يقدروا عليه، ويربطوا قلوبهم بربنا، وما يقطعوش ثقتهم وصلاتهم بربهم، لأن ربنا هو اللي بيوفق في النهاية”.

واختتمت حديثها: “سر نجاح نغم كان اجتهادها، وتقربها من ربنا، كانت حريصة على الصلاة والصيام والدعاء، وطبعًا كانت بتعمل مجهود كبير جدًا، وربنا كرمها”.

اعتماد نتيجة الثانوية العامة 2026

واعتمد محمد عبد اللطيف، وزير التربية والتعليم والتعليم الفني، مساء اليوم الثلاثاء، نتيجة الدور الأول لطلاب شهادة إتمام الثانوية العامة للعام الدراسي 2025/ 2026  بنسبة نجاح النظام الجديد 75.1%، والنظام القديم 72.1%.

وقد بلغ إجمالي عدد المتقدمين لامتحانات الدور الأول بالنظام الجديد  883690 طالبًا وطالبة، حضر منهم 825867 طالبًا وطالبة، وبلغ عدد الناجحين 620314 طالبًا وطالبة بنسبة نجاح النظام الجديد 75.1%.

وبالنسبة للنظام الجديد لشعبة (علمي علوم)، فقد تقدم لامتحانات الدور الأول 543120 طالبًا وطالبة، حضر منهم 507415 طالبًا وطالبة، وبلغ عدد الناجحين 382720 طالبًا وطالبة، بإجمالي نسبة نجاح بلغت 75.4%.

أما بالنسبة لشعبة علمي رياضة (نظام جديد)، فقد تقدم لامتحانات الدور الأول 145459 طالبًا وطالبة، حضر منهم 139302 طالبًا وطالبة، وبلغ عدد الناجحين 113651 طالبًا وطالبة، بإجمالي نسبة نجاح بلغت 81.6%.

كما تقدم لامتحانات الدور الأول من الشعبة الأدبية (نظام جديد) 195111 طالبًا وطالبة، حضر منهم 179150 طالبًا وطالبة، وبلغ عدد الناجحين 123943 طالبًا وطالبة، بإجمالي نسبة نجاح بلغت 69.2%.