صلاح عبد الله: نفسي أمثل مع كريم عبد العزيز وأحمد حلمي بس مش هيحصل

كشف الفنان صلاح عبد الله أمنيته في التعاون مع كل من الفنان كريم عبد العزيز، وأحمد حلمي في عمل فني.

وقال صلاح عبد الله، خلال لقائه في برنامج “حبر سري”، للإعلامية أسما إبراهيم": هكون صادق نفسي أمثل مع اللي ممثلتش معاهم، زي كريم عبد العزيز وأحمد حلمي، حظي قليل إني مشتغلتش معاهم وهما صغيرين أو كبار، وفي نجوم سوبر ستارز مثلت معاهم وهما صغيرين.

لن أعمل معهم

وتابع: هيبقى في مشكلة بعد ما صرحت بده لو جالي شغل مع كريم أو حلمي مش هشتغل معاهم، ودي تركيبتي، علشان عمري ما قولت نفسي أشتغل مع حد، وبحبهم جدًا، يمكن هما مش بيحبوني، بس صعب إن في حد في الوسط الفني ميبحبنيش، وديه جملة محمد رياض، بقوله لأ في بس بتكسف أقول وأعلن دا، ودي نعمة من المولى.

تعاون مع محمد إمام

وعن عدم التعاون مع محمد إمام، قال صلاح عبد الله: أنا ومحمد إمام عملنا مسسلسل ناجح وهو "هوجن"، وهو جنبي في السكن وبقعد معاه كتير، وكنت هطلع ضيف شرف في كوبرا، لكن كان عندي شغل كتير في "العتاولة"، و"عتبات البهجة"، وكان نفسي أطلع معاه مشهد.