تريند وفضيحة.. ميار الببلاوي تهاجم بسمة وهبة: أفقدتني تركيزي

أعربت الفنانة ميار الببلاوي، عن استيائها الشديد بعد اتهام الإعلامية بسمة وهبة، لها بالاهتمام بالبحث عن التريند، بعد عرض حلقتها في برنامج “العرافة”، في رمضان الماضي.

وكتبت ميار، منشورًا عبر حسابها الرسمي بموقع التواصل الاجتماعي “فيسبوك” جاء فيه “رغم تحفظي على الجزء الأول واستخدام نفس الأسلوب اللى كان مزعلني ومخليني فاقدة تركيزي في الرد في الحلقة، إلا إنى هرد على الجزئية بتاعت البوليكة".

قالت ميار الببلاوي: "أنا بعد الحلقة مفتحتش بقى ولا اهتميت إيه اللى عمل تريند ولا لأ، أنا مكنتش مبسوطة بالحلقة عمومًا، لكن كنت مبسوطة بأنی هكون معاك، لأن أشهد الله إني بحبك جدًا فى الله لموقف عملتيه معايا في بدايتنا الإعلامية، وسابلك معزة في قلبي لإني مبنساش المعروف”.

ضيق ميار الببلاوي

وتابعت: "عمومًا طريقتك في الكلام عني مضايقاني أنا فعلًا متكلمتش رغم المصايب اللى حصلتلي بعد الحلقة لأني قولت شوية، والموضوع هيموت یعني مجریتش ورا تريند ولا فضحت نفسي ولا كذبت زي ما حضرتك تفضلتي، لكن بمجرد ما الشيخ اتكلم أيوه مكنش ينفع أسكت ولازم أدافع عن نفسى وأي حد كان بيقولي بسمة السبب بقولهم أنا روحت بإرادتي، وأنا اللي جاوبت على الأسئلة بس هى مكنتش بتدیني فرصة للتوضيح".

وأردفت: "كنت مضايقة من الطريقة جدًا والأسلوب في الحلقة، ودا أفقدني تركیزي تمامًا، وبالنسبة للمونتاج قولت إن فى حاجات كتير اتمنتجت وده حضرتك أقريتي بيه".

فبركة صوت

واختتمت:"لكن ما قولتش إنك ركبتي صوت وكدا، بسمة شكرًا لنصيحتك لابني، وشكرًا على دفاعك عني، بس رجاء اتكلمي عني بطريقة غير كدا، لإنك عارفة إني مستاهلش أي إهانة ولا تجاوز، أسأل الله العظيم رب العرش الكريم أن يغفر لنا أجمعين وبرضه أحبك في الله".