"مش أنا السبب".. أول تعليق من بطل واقعة "شهاب بتاع الجمعية" بعد الحكم

قال الدكتور محمد عبد الجواد، سائق الـBMW المعتدى عليه من قبل شهاب المعروف إعلاميًا بواقعة "أنا شهاب ومن الجمعية"، إن قرار حبس شهاب لمدة عامين لم يكن بسبب الفيديو أو تصويره للواقعة.

وأكد في بث مباشر لـ"تليجراف مصر"، أن الحكم جاء نتيجة أفعال المتهم واختياراته الخاطئة، مشيرًا إلى أن أسرته كان يجب أن تكون أول من يوجهه للسلوك الصحيح قبل فوات الآوان.

بطل واقعة شهاب يروي تفاصيل جديدة

وأضاف عبدالجواد: "أسرة شهاب هما السبب في إنه يتحبس، المفروض كانوا يعلموه إنه ميتعاملش مع الناس بالشكل ده، ولا يهددهم ولا يحاول يعتدي عليهم".

مش أنا السبب

وتابع قائلًا: "أنا مش السبب في حبس شهاب، هو اللي عمل كده في نفسه، ولو كان جه واعتذر ليا بجد، كنت سامحته وعدّيت الموضوع".

مش بدور على شهرة

وردًا على الاتهامات التي ووجهت له عبر مواقع التواصل، بأنه يسعى للشهرة أو جذب الانتباه، قال عبدالجواد: "اللي بيقولوا إني عايز اتشهر، بسألهم سؤال واحد، لو كنت اتعورت في وشي أو حصلتلي عاهة مستديمة، كان هيبقى إيه مصيري؟ ومستقبلي كان هيروح فين؟".

واستكمل حديثه قائلًا: "أنا لما شفت شهاب بيهاجمني، افتكرت بنتي ومراتي، قلت لنفسي، لو حصل بينهم وبينه خلاف على الأجرة، كان ممكن يعمل فيهم إيه؟ هو اعتدى عليا، وكان ممكن يعمل أكتر".

وفي نهاية حديثه، قال الدكتور بأسلوب ساخر، "بعد اللي حصل، لو الموقف اتكرر، يمكن آخده بهزار، ولو حد خبطني بالعربية، هاعتذر له وأقوله أنا آسف، وقوله كمان اخبطني تاني، الضربة مكنتش جامدة".