أنا جرالي إيه؟!

هتتغير… يعني هتتغير.
دي مش مسألة اختيار، دي مسألة وقت.
ومش شرط التغيير يكون للأسوأ، بالعكس…
إنت تقدر تتحكم في اتجاهه، لكن مش في حدوثه.
هتتغير أفكارك… شغفك… طموحك..
حتى حاجات كانت بتزعلك زمان، ممكن ما تفرقش معاك دلوقتي.
هتتغير في شكلك، وده طبيعي.
 

لكن الأخطر من كل ده… إنك ممكن تتغير من غير ما تحس.
المشكلة مش في التغيير نفسه.
المشكلة في سرعته… وفي إنك تصحى تلاقي نفسك بقيت حد تاني.
ساعتها، الإحساس الوحيد اللي بيبقى جواك:
“أنا جرالي إيه؟”
 

عشان كده، ما تسيبش قطار الحياة يسبقك.
اتغير… لكن بوعي.
ببطء.
بإيدك على الفرامل.
اهتم بنفسك.
افهمها.
غذيها.
حبها رغم أخطائها.
ومتقساش عليها… لأنها في الآخر، هي أنت.