أصله... معدّاش!

الوجع...كأنه كان إمبارح.

والقلوب الطيبة... دايمًا بتسامح.

بس للأسف... مبيبقاش ليها مكان.

ولا عمرها حست  بالأمان.

و دايما بتروح في طيّ النسيان.

على قدّ ما بتدي...على قدّ ما بتبكي.

على قدّ ما بتضحي...على قدّ ما بتشتكي.

و دايما دموعها ماليها الحرمان

لا زمان ، لا مكان ، لا حنان  !! 

مجرد بقايا إنسان!

المسألة... مسألة مبدأ.

لأن العطاء عندها... مش مربوط بمين يبدأ.

اتعلمت تخلص... بدون شروط.

واتعلمت تحب... حبًا غير مشروط

اتعلمت تصالح…

واتعلمت تقاوح…

واتعلمت تناطح…

لكن للحق…

ومن الحق…

وإلى الحق.

بس للأسف…

القلوب الجميلة... اتوجعت.

وصحيت من الغفلة... واتفزعت.

صحيت على كابوس…

بيدق الناقوس…

ويقول:

“يا خبر بكره بفلوس”..

لكن…

لا الخبر جه…

ولا الحزن عدى…

ولا الوجع رضي يمشي.

أصله…

معدّاش.

ولسه الألم…

كأنه امبارح.

ولسه يا قلب…

بتحاول تسامح !! 

وعجبي من الأيام…

بتدوس على الأحلام.

وتداوينا بالأوهام.

من غير سلام…

ولا حتى كلام.

فنبقى واقفين…

بين الاستسلام ..

أو الموت بخداع الهيام!!

وساعتها…

فهمت.

ليه في ناس…

بتعيش على الذكريات.

وليه في ناس…

عمرها ما قدرت تتقبل حقيقة …

إن الماضي عدا وفات!!

وإن اللي جوانا…

مات !!!

حقيقة…

بنهرب منها في سكات.

لكن…

الكمال لله وحده.

ولا حب…

أصدق من حب الله لعبده…

وحب العبد لربه.

فمن أراد الجنة…

أحب…

دون عتاب.

وأعطى…

دون حساب.

وسامح…

دون انتظار المقابل.

وتاب…

وأناب.

وأخلص…

للقوي…

الرحيم…

التواب.

فما خاب قلب…

كان الله موطنه.

ولا ضاع عطاء…

كان لوجه الله.

وحينها فقط…

تدرك…

أن بعض الأوجاع…

لا تأتي لتكسرك…

بل لتعيد قلبك…